HJARTEBANK 2015
11.03.2015
|Odd Stuve Rommetveit
Hjartebank STORD OG BØMLO, Sparebanken Vest si milliongåve til lokale organisasjonar enda opp med kr 175000 til Stord Idrettslag. Summen skal fordelast på tre prosjekt / grupper, herunder skigruppa. Eit ekstra nummer av SKINYTT vart sendt like etter tildelinga onsdag 11. mars. Det var slik:
Hei gode skivener !
SKINYTT NR. 4 - 2015 11. MARS 2015
Her er SKINYTT nr. 4 2015. Det inneheld ei rykande fersk GLADMELDING !
Sparebanken sitt prosjekt HJARTEBANK for STORD OG BØMLO 2015 vart fullført onsdag kveld. Ein fullsett Arena fekk oppleva Heine Totland og Gisle Børge Styve si entusiastiske leiing av millionutdelinga til banken.
Stord Idrettslag fekk tildelt heile kr 175 000 Tre prosjekt / grupper i idrettslaget skal dela denne summen. Skigruppa er ei av desse !
Skigruppa og heile skimiljøet på Stord rettar ei stor takk til Sparebanken Vest, fem-mannsjuryen som har vurdert og funne idrettslaget - herunder skigruppa, verdig til å ta imot desse pengane. Tusen TAKK !
Og sjølvsagt takk til alle som gjer ein innsats for skiidretten på Stord. Utan denne innsatsen ville ikkje skigruppa vore ein verdig mottakar av HJARTEBANK-midlane.
SKINYTT hadde her eit bilete av leiaren i Stord Idrettslag, Magne Jostein Mikkelson, og leiaren i skigruppa, Odd Stuve Rommetveit, som begge stolt viste fram sjekk, diplom og blomebukett.
Fleire andre organisasjonar vart også tildelt pengar, med jamn fordeling mellom Bømlo, Fitjar og Stord. Utdelinga inngjekk i ein konsert med fleire flotte artistar, applaudert av nær 400 frammøtte. Ein stor kveld !
